Súmase a vosa entidade a Como cho digo ;-)?

Hai moitas máis entidades, asociacións, colectivos e persoas que usan con frecuencia o galego, do que os medios de comunicación reflicten.

Por iso, con esta campaña, Como cho digo ;-), dicimos que nos gustaría que a lingua galega se visibilizase máis nos medios e, polo tanto, que estes a usasen, cando menos, para reflectir as declaracións que se fan nesta lingua, para informar dos actos desenvolvidos en galego, para crear información a partir de notas e comunicados redactados na nosa lingua, etc.

E, as entidades e colectivos, tamén podedes participar nela. Para iso debedes cubrir os datos para crear a declaración da vosa entidade, que despois podedes enviar aos medios de comunicación ou entregarlla na próxima comparecencia de prensa.

Cubride estes datos e chegaravos a declaración personalizada en formato .pdf ao voso correo electrónico. Ademais, crearase unha ficha vosa neste web como entidade ou colectivo que apoia a campaña.